Четири лица од нередите во Собрание добија притвор
Објавено во: Македонија 01 Мај, 2017
Четири лица кои беа дел од инцидентите во Собрание на 27 април добија притвор од судија на претходна постапка во Основниот суд Скпје 1 Скопје.
Судот одлучил оваа мерка да трае осум дена со образложение дека по барање на Обвинителството, се работи за скратена постапка и во ваков случај не може да се одреди подолг притвор.
Од вкупно седум лица кои беа приведени од полицијата, на едно лице му е одредена мерка куќен притвор, а на останатите две мерки за претпазливост, односно забрана за напуштање на местото во кое живеат, како и обврска повремено да се јавуваат на овластено службено лице во Судот.
ОЈО побара МВР да приведе 15 лица кои се сомничат дека сториле кривично дело – Учество во толпа што ќе спречи службено лице во вршење на службено дејствие.