Чудно толкување на Град Скопје: Нема илјада евра субвенција за инвертер ако си се греел претходно на струја

Добивај вести на Viber

Град Скопје денеска појасни дека за субвенционирање до 62.000 денари за купување на инвертер-климатизери нема да важи за оние кои претходно се грееле на струја, туку само на дрва, јаглен или нафта. Од таму дообјаснуваат дека мерката е за намалување на загадувањето поради нееколошкиот начин на греење“, велат од Град Скопје. Аплицирањето кое се врши само електронски, е во тек по објавениот повик во петокот.

Согласно со условите на овој јавен повик се отвора можноста за над 5.000 граѓани на Скопје да им бидат целосно надоместени трошоците за набавка на инвертер уред, но не поголема од 62.000 денари во нето износ. Сите граѓани на територија на Град Скопје кои немаат искористено субвенции за затоплување на своето домаќинство од Градот Скопје и кои немаат приклучок или можност за приклучок на централно греење во објектот каде што ќе биде инсталиран уредот имаат право да учествуваат на повикот. Набавениот уред потребно е да биде монтиран во објектот со адреса од личната карта на барателот. Повикот ги опфаќа граѓаните кои купиле инвертер од 01.01.2020 година, до завршувањето на повикот на 30.11.2020 години или до денот на исцрпување на средствата

На овој повик новитет е условот граѓаните доброволно да ја достават (без надоместок) постојната печка на дрва, јаглен, нафта или на  мазут на локација која дополнително ќе им биде соопштена.

Сите информации за повикот, како и формуларите за електронското пријавување ќе ги најдете на следниов линк https://www.surveymonkey.com/r/gradskopje-inverter2020