ЦИПРАС НЕ БРЗА: Со копии и последниот граѓанин ќе го информира за Договорот од Преспа

Добивај вести на Viber

Владата во Грција нема да брза, и  прави десетина илјади копии од Договорот од Преспа за граѓаните.

Тој ќе биде објавен и во неделното издание на весниците.

Целта е граѓаните да се информираат што содржи Договорот. 

Владата соопшти дека планира да го информира и последниот грчки граѓанин за аспектите од договореното. Велат дека не сакаат да го ратификуваат Договорот од Преспа кришум, и дека мора граѓаните да бидат запознаени со овој договор кој е важен за регионот. 

„Сметаме дека е важно да се одржи ТВ дуел со лидерот на опозицијата; неделните изданија на весниците ќе го објават целиот текст од договорот, се дел од следните чекори на грчката Влада во пресрет на ратификацијата на Договорот од Преспа“, се вели во соопштението од кабинетот на Ципрас.

Во согласност со Уставот на Грција, Договорот од Преспа не мора да биде изгласан со мнозинство од пратениците за да стапи на сила, но како што објасни претседателот на Сообранието, Никос Вуцис, тој треба да биде изгласан од 151 пратеник. 

Грчкиот парламент синоќа изгласа доверба на владата на Ципрас. Се очекува наскоро во Грција Договорот да биде ратификуван. Партијата Река одржува состанок за да одлучи како ќе гласа за Договорот од Преспа. 

Резултатите од една неoдамнешна анкета, покажаа дека 70 проценти од испитаниците се изјасниле против овој договор.