Добивај вести на Viber
Благодарение на добрата продажба на огласите за мобилни телефони, вредноста на акциите на социјалната мрежа “Фејсбук“ пораснаа за 18 проценти, со што ги надминаа очекувањата.
Компанијата во вториот квартал пријавила профит од 333 милиони долари. “Фејсбук“ од огласите на мобилните телефони од април до јуни оствариле приход од 655,6 милиони долари, што чини 41 отсто од вкупните приходи од реклами од 1,6 милијарди долари. Во истиот период во минатата година, тој удел бил 30 отсто. Бројот на корисници на “Фејсбук“ од мобилни телефони се зголемил за 51 отсто или на 819 милиони.
Сепак, вредноста на акциите на “Фејсбук“ и понатаму е за 16,7 отсто помала во однос на цената од 38 долари со кои компанијата излезе на берзата.