Црквата и религијата имаат огромно влијание, но истополовите двојки ќе може од сега да посвојуваат деца
Објавено во: Балкан 10 Мај, 2018
Грчкиот парламент денеска го изгласа Законот, со кој на хомосексуалните двојки им се дозволува да чуваат деца. Законот беше донесен и покрај спротивставувањето на десницата. Текстот беше изгласан со гласовите на 161 пратеници, а 103 гласаа против.
Во салата присуствуваа 264 пратеници од вкупно 300-те во Парламентот, откако неонацистичката партија Златна зора побара поединечно гласање за Законот. Легислативата беше усвоена со помош на гласовите на владејачката СИРИЗА и левичарската опозиција. Конзервативната Нова демократија се спротивстави на оваа реформа.