ЦРН ПОНЕДЕЛНИК НА БЕРЗАТА: Богаташите во големи загуби
Објавено во: Економија 06 Август, 2019
Драматичен пад на акциите на Волстрит избриша 2,1 отсто од нето вредноста на заедничкото богатство на 500 најмоќни луѓе на планетата, пренесе Блумберг.
Дваесет и еден член на Блумберг листата на милијардери изгубиле по една милијарда долари или повеќе, бидејќи инвеститорите панично реагираа на зголемените тензии меѓу САД и Кина.
Џеф Безос, основач на компанијата Амазон, претрпел најголема загуба од дури 3,4 милијарди долари, по падот на акцијата на тој онлајн трговец. Сепак, тој и понатаму е на тронот како најбогат човек на светот, со богатство кое изнесува 110 милијарди долари.
Овие загуби се пресврт за светските супербогаташи, кои до вчера бележеа постојан раст на вредноста на акциите на нивните компании. Богатството на најмоќните луѓе на планетата се топи во последните недели и на други светски меридијани.
Имено, Мајкрософт“, „Епл“, „Амазон“, „Алфабет“ и „Фејсбук“ петте највредни американски компании заедно изгубија 162 милијарди долари, што покрена поголема криза на берзата, предизвикана, помеѓу другото поради загриженоста од трговска војна помеѓу САД и Кина.
Спомнатите компании во петокот загубија 66 милијарди долари од пазарната вредност.