Црногорскиот парламент ќе гласа во најкраток можен рок за Македонија
Објавено во: Македонија 13 Февруари, 2019
Црногорскиот парламент ќе закаже седница во која официјално ќе го одобри приемот на Македонија во НАТО во најкус можен рок.
"И на тој симболичен начин, уште еднаш ќе го покажеме пријателскиот однос на Црна Гора кон Република Македонија. Како членка на НАТО, Црна Гора ја потврдува силната поддршка за политиката на отворени врати, особено за земјите од Западен Балкан кои тоа го сакаат ", беше објавено за „Вјести“ од кабинетот на парламентарниот спикер.
Собранието ќе го разгледа предлог-законот за потврда на Протоколот за пристапување на Република Северна Македонија во НАТО, по завршувањето на сите процедурални активности во рамките на Алијансата, како и во Владата на Црна Гора, додаваат од таму.
Во случајот на Црна Гора, која е последна земја која е примена во Алијансата, на тогашните 28 земји-членки им требаше цела година за ратификација на пристапниот Протокол.