ЦРВЕН АЛАРМ: Во новата година ги чека големо невреме
Објавено во: Балкан 02 Јануари, 2019
Црвен аларм има во Хрватска, а се очекува и невреме.
Издадено е предупредување за денеска и за утре за поголемиот дел од Хрватска. Сите приморски области на Јадранот, освен Истра, се во црвен аларм, а во Истра на сила е портокалово предупредување. Другите делови од земјата се во жолта фаза.
Времето во Хрватска денеска ќе биде променливо облачно, на места со слаби врнежи и силен ветер.
На копно ќе има снег и голомразица во првиот дел од денот, а слаб дожд е можен и во приморските области.
Ќе дува умерен ветер, а на крајот на денот во северниот дел на земјата можно е да дојде до бура. На Јадранот, ќе дува умерен до силен северозападен ветер кој ќе се претвори во бура.
Највисоката дневна температура на копно ќе се движи од 3 до 7 степени, а во Јадранот од 8 до 12 степени.