Црвенковски: Ако ЕУ не даде датум за преговори, ќе „падне“ во очите на Македонците
Објавено во: Македонија 05 Јули, 2019
-Ако нашата земја не добие датум за старт на преговорите во јуни тоаа ќе биде јасен знак за пад на кредибилитетот на Европската унија во очите на народот и разочарување на сите граѓани.
Ова го кажа поранешниот претседател Бранко Црвенковски кој беше дел од регионална конференција „Проширувањето на ЕУ на крстопат“
Црвенковски вели дека ако ова лето Македонија не добие датум за преговори тогаш тоа за него ќе биде чист доказ за отсусто на лидерство и визија во рамките на ЕУ, потенцирајќи дека Македонија не бара незаслужена награда туку заслужена шанса.
- Знам дека некои од неопходните реформи доцнат или се спроведуваат со дискутабилен квалитет, но нашата земја својот кандидатски статус го стекна во далечната 2005 година, пред цели 14 години а јас верувам дека токму отворањето на преговорите и соработка инсистирањето на исполнување на неопходни услови, наметнување рокови ќе биде поголем импулс за спроведување брзи и квалитетни реформи и исполнување на неопходните критериуми и стандарди-посочи Црвенковски.