ДА НЕ СЕ ЗАБОРАВИ: Македонија се сеќава на осуммината загинати резервисти кај Љуботенски бачила
Објавено во: Македонија 10 Август, 2020
Да не се заборави.
На денешен ден пред 19 години загинаа осуммина резервисти кај Љуботенски бачила.
Денеска почит им оддадоа вицепремиерката во заминување Радмила Шекеринска, како и делегација од Кабинетот на шефот на државата.
Заменичката на претседателот на Владата и министерка за одбрана, Радмила Шекеринска денеска во касарната „Илинден“ положи венец со свежо цвеќе на Споменикот на загинатите бранители, во спомен на осумтемина припадници на резервниот состав на Армијата кои загинаа кај месноста Љуботенски бачила, соопштија од Министерството за одбрана.
На овој ден, пред 19 години кај Љуботенски бачила загинаа Томе Бадаревски, Бранко Јанев, Марјанчо Бошковски, Раде Јанковски, Гоце Чанкуловски, Томислав Настевски, Ивица Златевски и Томе Димоски.
И делегација од Кабинетот на Претседателот на Република Северна Македонија, по повод 19-годишнината од загинувањето на осум армиски резервисти кај месноста Љуботенски бачила, скопско, денеска положи цвеќе пред спомен-обележјата во општина Ѓорче Петров, пред спомен-обележјето во село Љубанци, и во касарната „Илинден“ во Скопје