Дачиќ: Не ги рушам јас односите со моите зборови, туку тие со одлуките
Објавено во: Балкан 12 Јануари, 2017
Српскиот министер за надворешни работи, Ивица Дачиќ вчера изјави дека со своите остри изјави ги брани интересите на Србија и дека ништо друго не го интересира.
Шефот на српската дипломатија негира дека неговите остри зборови ги нарушуваат односите во регионот.
„Не ги рушам јас односите со моите зборови, туку тие со одлуките“- вели Дачиќ.
Дачиќ за Б92 вели дека тој не ја претставува ниту ЕУ, ниту Русија или САД, туку Србија и нејзините интереси.
Кажа дека заедно со премиерот на Србија, Александар Вучиќ повеќе пати разговарале со претставниците на земјите од регионот и им го свртеле вниманието за тоа колку е Косово значајно за Србија, додавајќи дека не може да разбере како „Јапонија, Јужна Кореја, Колумбија, Перу, имаат повеќе разбирање за српските интереси отколку Црна Гора или Македонија“.
Во последно време Дачиќ ја бранува јавноста со своите изјави и напади кон земји од соседството.