ДАЛЕКУ Е ЕВРОПА: Македонските и албанските возови се најбавни
Објавено во: Економија 11 Септември, 2019
Брзината на возовите на Балканот не може да се спореди со оние во Европа.
Инфографикот изработен од „Смардарт“, покажува дека многу возови во ЕУ возат со брзина и до 250 км на час.
Албанските возови се најбавни во Европа, а македонските се малку подобри од нив, но побавни од другите.
Хрватска има најбавни возови во Европската Унија, со просечна брзина од само 58,2 км на час, а единствените европски земји со побавна железница што не се во Европската Унија се Босна и Херцеговина (54,5 км на час), Србија ( 54,3 км на час), Македонија (53,1 км на час) и Албанија (27,6 км на час).
Најбрзите возови ги има Шпанија, и тие се движат со просечна брзина од 199,4 км на час, а потоа следува Франција со возови што возат со брзина од 195,9 км на час, додека зад нив е Италија со 169,9 км на час.
Во Австрија просечната брзина на возовите е 106,8 км на час.
Германските возови се движат со 141,6 км на час, а во Велика Британија 134,4 км на час.
Во Полска просечната брзина на возовите е 114 км на час, Грција 94 км на час, Унгарија 84 км на час, Бугарија 73 км на час, а во Словенија 72 км на час.
Француските брзи ТГВ електрични возови се најбрзи во Европа и можат да достигнат брзина од вртоглави 575 км на час, а германскиот воз „Трансрапид маглев“ достигнува брзина 500 км на час.