ДАЛИ БИ ЈА БРАНЕЛЕ ЗЕМЈАТА АКО ИМА ВОЈНА: Народите во регионот и светот се изјаснија
Објавено во: Македонија, Балкан 27 Мај, 2019
Од поранешна Југославија, во Косово – 58 отсто, во БиХ – 55 отсто, во Србија 46 отсто и во Македонија 38 отсто се изјасниле на анкета на Галуп дека се спремни да си ја бранат земјата.
Романија има ист процент како Македонија, а во Бугарија само 25% се подготвени да си ја бранат земјата. 54% од Грците би се бореле.
„Дали би се бореле, ако има војна, за својата држава и би го дале ли животот за неа?. Ова прашање им било поставено во истражување на Галуп заедно со Ворлдвајд Индипендент Нетворк во 64 држави во светот.
Најголем процент подготвени за војна за својата држава се на Блискиот Исток и во северна Африка – 93 отсто додека најнизок е во Западна Европа – 25 отсто.
На врвот на листата е Мароко каде 94% од луѓето се подготвени да се борат исто како и во Фиџи. Зад нив се Пакистан и Виетнам со 89%.
Во анкетата биле вклучени 62.398 луѓе – по илјада за секоја држава.