Дали Брат Љубе ќе биде нов министер без ресор?
Објавено во: Македонија 14 Ноември, 2017
Љубе Бошкоски беше дел од тимот на СДСМ на локалните избори, но само како поддршка преку неговата партија Обединети за Македонија без да се кандидира за било каква функција. Сепак, тој најверојатно нема долго време да остане во сенка и од повеќе извори се шири информација дека ќе биде нов министер во владата на Зоран Заев, односно ќе му биде доделено министерство без ресор со одреден сет на задачи.
Бошкоски би бил дел од владата која ќе претрпи мини реконструкција со оглед на тоа што повеќе министри и заменици, пред се кадри на ДУИ преминаа во локалната власт.
Екс министерот за внатрешни Бошкоски би дошол на местото на Рамиз Мерко кој победи на локалните избори и ќе ја води општина Струга, но не е прецизирано дали ќе ги има истите надлежности како и него во поглед на контакт со потенцијални странски инвеститори.
Да потсетиме дека Бошкоски на предвремените парламентарни избори беше дел од коалицијата ВМРО за Македонија заедно со Љубчо Георгиевски и Стојанче Ангелов, но тие не успеаја да освојат пратенички мандат.