ДАЛИ ЦЕНИТЕ ВО РЕСТОРАНИТЕ ГО ДОСТИГНАА МАКСИМУМОТ? - ново поскапување на угостителските услуги
Објавено во: Економија 06 Февруари, 2023
Забавува растот на цените во угостителските објекти.
Последните податоци на ДЗС покажуваат дека на месечно ниво, во јануари 2023 година споредено со декември 2022 година угостителските услуги поскапеле за само 0,7 отсто.
По бранот поскапувања на угостителските услуги, овој раст е незначителен.
- Зголемување е забележано во групите Храна за 0,9 отсто, Алкохолни пијалаци за 0,7 проценти, Безалкохолни пијалаци за 0,3 отсто и Ноќевања за 0,2 проценти - се наведува во соопштението на ДЗС.
Сепак, податоците покажуваат дека на годишно ниво растот на цените на угостителските услуги во јануари 2023 година, во однос на истиот месец од претходната година, е зголемен за 14,8 отсто. .
За потсетување во декември 2022 година, цените на угостителските услуги поскапеа за 16,8 отсто во однос на истиот месец 2021 година, објави Државниот завод за статистика.