Дали горештините или референдумот го „утепаа“ прометот со акции?
Објавено во: Финансии 12 Септември, 2018
Воздржаноста поради исходот од референдумот, но најмногу летните одмори го намалија тргувањето на берза во август годинава. Претходниот месец, ако се анализира само класичното тргување, вредноста на трансакциите остварени на берзата е најмала споредена со сите претходни седум месеци. Од берзата велат дека очекуваат размрдување во следниот период.
Во класично тргување, без блок трансакциите, во најжешкиот месец има купопродажба од само 252,6 милиони денари, најмалку споредено со претходните седум месеци. Најдобар бил јуни со 772,2 милиони денари, а втор најслаб месец по август е февруари со истргувани 319,4 милиони денари.
- Од секогаш е забележливо дека има стагнација при тргувањето со акции во месец август, тоа може да се забележи и во претходните години. Точно е дека август е најслаб месец од сите други што изминаа годинава и не смее да се заобиколи влијанието на референдумот. Сигурно има инвеститори што сакаат да почекаат, што не се сигурни дали да тргуваат кога има неизвесност со политичката ситуација, но тоа најдобро го знаат брокерите кои се во директен контакт со нив. Но, како единствена објективна причина останува летната пасивност што ја носи овој месец - велат од Македонска берза.
Од друга страна, дневното тргување во септември покажува нормализирање. Од сите досегашни работни денови во септември, се собира вкупна сума од 136,3 милиони денари. Вчера истргувани 33,3 милиони денари, односно најмногу од сите септемвриски денови, додека на 4 септември имало најмногу транскации - 123.
Можеби ќе ве интересира
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
ОСНОВНАТА КАМАТА ОСТАНУВА ВИСОКА ДО СМИРУВАЊЕ НА ИНФЛАЦИЈАТА - Народна банка: „нивото сѐ уште е над историскиот просек“
„БЕЗ ТРАНСПАРЕНТНОСТ И ОТЧЕТ СЕ ТРОШАТ ОКОЛУ 10 МИЛИОНИ ЕВРА ЗА НАБАВКИ ВО УЧИЛИШТАТА СО ПАРИ ОД РОДИТЕЛИТЕ“: Истражување на Центарот за граѓански комуникации
СО ВАКВА ЗАРАБОТКА САМО НЕБОТО Е ГРАНИЦА: Еве како работеше Белград на вода во 2023 година
ДОБРО РАЗГЛЕДАЈТЕ ГИ МОНЕТИТЕ ОД ДВЕ ЕВРА ШТО ГИ ИМАТЕ ДОМА: Можеби имате вредна паричка од пет илјади евра, а тоа не го знаете
ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид' во Европа“
