ДАЛИ ЌЕ СЕ ПОВТОРИ ЦРНИОТ ПОНЕДЕЛНИК - 2008, ќе пукне ли нов балон на светските финансиски пазари?

Добивај вести на Viber

Од утрово на финансиските пазари исчезнуваат милијарди евра. Пазарите на криптовалути повторно се во опасно црвено и многумина веќе се прашуваат: „Дали балонот ќе пукне уште еднаш и дали ќе го гледаме црниот понеделник од 2008 година, кога пропадна светскиот финансиски пазар?“.

Повеќе од 300 милијарди долари се избришани од пазарот во последните денови. Биткоинот денеска падна на и под 21.000 долари, што е пад од 70 отсто во последните осум месеци. Паничната распродажба на крипто-пазарот и утринава го фрли биткоинот во минус од 8 отсто, а по вчерашниот уште поостар пад, кој се искачи на 14 отсто. Повеќе од половина од инвеститорите кои имаат биткоин сега се во минус.

Биткоинот пред една недела беше на 31.000 долари, а сега е за 10.000 понизок. Паралелно паднаа и другите криптовалути. Вчера Ethereum ослабе за повеќе од 12 проценти, а утрово загуби дополнителни 8 проценти.

- Во моментов се пука, без разлика дали се работи за акции, крипто средства или нешто друго. Она што го гледате на пазарот е страв, несигурност и сомнеж - предупреди Нирмал Ранга, шеф за тргување и техничка анализа во берзата за криптовалути ZebPay, пренесува „Блиц.рс“.

Инвеститорите практично се свесни дека инфлацијата сè уште не го достигнала својот врв и дека тоа значи дека централните банки ќе мора да ги зголемат каматните стапки но од друга страна и државите ќе ги заострат своите стимулации. Сето ова заедно „удира“ по глобалниот економски раст и не е сценарио кое е краткорочно, појаснува во анализата „Блиц.рс“.

- За сериозноста на ситуацијата на пазарот на криптовалути покажуваат и потезите на најголемите криптовалути во светот. Компаниите како Целзиус и Бајнс прекинаа по неколку повлекувања на биткоини, а некои компании дури и затворија. Очекуваа дека ваквите потези би можеле да го стабилизираат нивниот бизнис и да ги ублажат падовите што ги забележавме вчера, но се уште нема позитивни знаци. Напротив. Азиските берзи изутринава се под притисок, петти ден по ред. Најголемата светска берза е под притисок од петокот, кога беше објавено дека инфлацијата во Америка расте за 8,6 отсто годишно, што не е забележано повеќе од 40 години - се додава во анализата.

Инвеститорите сега стравуваат дека ФЕД ќе биде поагресивен од очекуваното во заострувањето на монетарната политика и дека повторно ќе почне да ги зголемува каматните стапки.

Претходно, Европската централна банка објави дека ќе ги намали субвенциите за економијата на еврозоната во јули и ќе ги зголеми клучните каматни стапки за прв пат од 2011 година со цел да ја заузда инфлацијата. Поскапувањата во еврозоната, инаку, се на рекордни нивоа од околу осум отсто во просек.