Дали ќе се разгори трговската војна меѓу САД и Кина?
Објавено во: Свет 02 Јануари, 2019
Ова е можеби најтешко прашање, со кој ќе се соочи глобалната економија во 2019 година. Фактот дека нема јасен одговор, треба да биде причина за загриженост, сметаат аналитичарите на Блумберг во прогнозата за оваа година.
Привременото примирје меѓу американскиот претседател Доналд Трамп и неговиот кинески колега Си Џипинг е охрабрувачко на краток рок. Нервозните финансиски пазари и загриженоста поврзана со опстојувањето на двете големи економии, ги насочи двајцата лидери кон договорот. Сепак повеќето од американските царини за кинескиот увоз во вредност од 250 милијарди долари ќе останат во сила во 2019 година, заедно со заканата од уште такви, ако азиската страна не направи значителни реформи.
Економистите на Блумберг веруваат дека ќе се одржи примирјето меѓу САД и Кина. Кина нема да ги спроведе длабоките структурни реформи што Американците ги бараат. Ова ќе биде доволно за САД да објават победа и да предизвикаат повеќе протекционистички мерки.