Дали оставката на Каменос е договор со Ципрас?
Објавено во: Балкан 13 Јануари, 2019
Имаат ли договор грчкиот премиер, Алексис Ципрас и министерот за одбрана, Панос Каменос.
Откако во изминативе неколку дена опстанкот на грчката Влада е доведен во прашање, како и ратификацијата на Преспанскиот договор во Атина, премиерот Алексис Ципрaс и неговиот коалициски партнер од Независни Грци, Панос Каменос постигнале договор кој нема да го загрози ниту едниот, ниту другиот, објавува грчкиот дневен весник „Катимерини”.
Во грчкиот Парламент кој има вкупно 300 пратеници, Сириза има 145 пратеници и може да смета на поддршката на четворицата претставници на Независни Грци, како и на неколкумина други пратениците, и така го достигнува боројт од 151 пратеник кој е потребен за ратификација на договрот, а можеби и 152 пратеници, доколку имаат поддршка и од пратениците на Центристичката унија.
По оставката на Панос Каменос, Владата на Сириза ќе остане на власт, со обновен мандат, и покрај критиките за начинот за создавање на новото мнозинство, пишува „Катимерини“.
Добив уверување дека грчката влада има силна посветеноста да ја заврши работата со Преспанскиот договор, изјави денеска министерот за надворешни работи, Никола Димитров за тоа дека Панос Каменос, грчкиот министер за одбрана си заминува од грчката влада.
„Независни Грци“ на Панос Каменос ја напушти владата на Ципрас поради несогласувањето околу Преспанскиот договор. Оставката на Каменос од позицијата министер за одбарана и повлекувањето на неговата партија од коалицијата дојде по 30 минутната средба со премиерот Ципрас.
Главниот проблем за „Независни Грци“ беше тоа што терминот Македонија останува во новото име. Грчките медиуми информираат дека седницата за гласање на доверба на Владата може да биде закажана во вторник и да трае до четврток на полноќ.
фото Катимерини