Дали Талески ќе се „транспортира“ во судница?

Добивај вести на Viber

Градоначалникот на Битола Владимир Талески денеска треба да се појави на суд во случајот „Транспортер“ кој го покрена СЈО, а истиот беше одложен за повеќе месеци бидејќи како што велат специјалните обвинители дел од лицата кои се обвините одбивале да ги добијат поканите за суд.

Во „Транспортер“ СЈО сака да докаже дека имало злоупотреби и искористување на буџетот за стотина илјади евра кои биле дадени за прескап договор за јавен превоз на ученици со коруптивен договор од кој потоа бенефит имале повеќе лица.

СЈО за 11 лица достави предлог за притвор, а беше побарана и забрана за располагање со имот ,како и конфискација за 3 стана, 6 патнички возила и 33 автобуси.

Минатата година, Кривичниот совет на Основниот суд Скопје 1 му изрече  на Талески  домашен притвор, кој два пати беше продолжуван. По три месеци поминати во куќен  притвор, Апелациониот суд во Скопје ја укина оваа мерка  и досуди поблага мерка на претпазливост, односно нему му беше наложено секој понеделник и петок да се јавува во битолиот суд.