Дали вторник е денот Д за датумот за преговори за Македонија?
Објавено во: Македонија 16 Јуни, 2019
Министрите oд ЕУ задутре ќе oдлучуваат за почетокот на преговорите за Македонија.
Нашата земја и Албанија ќе бидат главна тема на преговорите во овој дел.
Тие ќе заседаваат во Луксембург, а на дневен ред се извештаите за напредокот на земјите од Западниот Балкан и проширувањето.
Министрите треба да одлучат дали и кога овие две земји ќе ги започнат преговорите за членство во ЕУ.
Почнување преговори препорача Европската комисија на 29 мај во извештаите.
Одлуката што ќе ја донесат министрите ќе треба да биде потврдена од страна на шефовите на држави и влади на ЕУ на Европскиот Совет на 20 и 21 јуни во Брисел.Странски медиуми пишуваат дека Македонија ќе добие датум, но Албанија ќе биде одвоена.
Одлуката за Албанија би се одложила затоа што нема политички дијалог со опозицијата и борба против корупцијата и организираниот криминал.
Во Македонија имаше реакции од опозицијата затоа што Македонија не доби датум месецов, иако претходно имаше такви очекувања.