21 Јануари, 2019
0.3159
    ALK 8300.23    -0.01%     BGOR 270    -5.26%     GECK 500    0%     GECT 500    0%     GRNT 824.4    -0.07%     KMB 5300.24    -0.37%     MPT 49500    -1%     MTUR 5000    -0.99%     OHB 6650    0.77%     OKTA 4550    1.11%     RMDEN17 97.7    0.18%     RZLE 19    0%     RZLV 80    9.59%     SIL 70    0%     TEL 302    0%     TTK 1347.72    -0.17%     UNI 2209    2.98%

Дали знаете што се случува со млечните производи што не се чуваат во фрижидер?

Објавено во: Мои пари 15 Мај, 2018

Пазарувањето за дома е секојдневна рутина што секој од нас (кој повеќе, кој помалку) ја прави со уживање. Во маалските продавници, во големите маркети, на пазарите – изборот на омиленото место за пазарување е голем.

Но, она што е важно е дека секое од овие места треба да поседува соодветни услови за чување на секој од производите што ги нуди за своите купувачи, бидејќи единствено така може да гарантира за нивниот квалитет. Без оглед на тоа дали станува збор за месо, овошје, зеленчук или млечни производи, особено е важно да се чуваат во соодветните услови што ги препорачува производителот.

Бимилк, како најголем производител на млеко и млечни производи во Македонија, повеќе од 65 години обрнува особено внимание на одржувањето високо ниво на задоволство кај своите потрошувачи. Оттука, со цел да покаже вистинска грижа кон нив, особено во пресрет на високите температури, компанијата започна со едукација на своите партнери и купувачи за одржувањето високо ниво на квалитет при секој контакт со производите.

Денешниот текст е наменет за т.н. ладен ланец низ кои поминуваат производите. Но, пред сè, да објасниме што е тоа „ладен ланец“. Тоа е, всушност,целиот пат што го поминуваат температурно осетливите производи, односно од производителот, па сè до крајниот потрошувач.

Среќаваме ситуации во кои правилата за соодветно чување на производите во маркетите или на други продажни места не се почитуваат, некогаш од страна на дистрибутерите, некогаш од страна на крајните продавачи, но има ситуации кога не се почитувани ни од самите потрошувачи. Токму затоа, сметаме дека особено е важно и самите потрошувачи да бидат запознаени со сите процеси што треба да претходат за да се добие производ со врвен квалитет.

Така, во млечната индустрија, обезбедувањето висок квалитет на производите започнува уште од преземањето на сировото млеко од фармите, преку дистрибуцијата, па сè до нивното правилно складирање и чување во директните продажни места. Ова е особено важно за кисело-млечните производи, како што се јогуртот, киселото млеко, павлаката и други производи од овој тип, кои се температурно осетливи и за кои е задолжително, во целиот процес на производството, дистрибуцијата, продажбата, па сè до крајното сместување во фрижидер во домаќинствата, да бидат чувани во специфични услови. Токму овој процес се нарекува ладен ланец, а контролирана оптимална температура на целиот ланец е од 2 до 8 степени.

Доколку дојде до прекин на ладниот ланец, се скратува рокот на траење на кисело-млечните производи и доаѓа до промена на квалитативните карактеристики на производот, односно неговиот вкус станува изразито кисел, се намалува густината, а може да дојде и до трајно оштетување на производот,по што тој станува неупотреблив.

Оптималниот рок на траење на кисело-млечните производи изнесува 25-27 дена, но само доколку се чуваат во целиот ланец на снабдување на соодветната температура. Така, на пример, доколку производот само 4 часа се чува на температура од 15°C, неговиот рок на траење се скратува речиси двојно и изнесува 14 наместо 27 дена, а, пак, доколку се чува 8 часа на 15°C, рокот се намалува на 10 дена. Она што во вакви ситуации загрижува е фактот што крајниот потрошувач, всушност, не е свесен дека во некој момент дошло до прекин на ланецот и, следствено, рокот на траење на производот е намален. Ова, секако, ќе резултира со незадоволни купувачи, поплаки, намалување на продажбата итн.

Токму затоа, сакајќи да ја покажеме вистинската грижа кон потрошувачите, искрен совет е своите млечни производи да ги купуваат во објекти што имаат разладни витрини и што ги чуваат на соодветна температура. На декларацијата на производот задолжително треба да се информираат за температурата на чување и рокот на траење на производот, со што и самите ќе се осигурат дека консумираат производи со навистина врвен квалитет.


Можеби ќе ве интересира

„Фчерашни новости“: Јелена е или не девојката на фотографиите?

„Фчерашни новости“: Јелена е или не девојката на фотографиите?

Дефектот на Јане Сандански е саниран

Дефектот на Јане Сандански е саниран

Катица Ќулавкова е добитник на меѓународната награда „Антево слово“ во Италија

Катица Ќулавкова е добитник на меѓународната награда „Антево слово“ во Италија

Отворена е реновираната Телеком продавница во центарот на Охрид

Отворена е реновираната Телеком продавница во центарот на Охрид

Без вода населба Аеродром

Без вода населба Аеродром

(ГАЛЕРИЈА) Новиот Porsche 911 спектакуларно претставен на Алпите

(ГАЛЕРИЈА) Новиот Porsche 911 спектакуларно претставен на Алпите

„Биби јееј“ - нова песна од „Светот на Биби“

„Биби јееј“ - нова песна од „Светот на Биби“

Jeep® Wrangler и Fiat Panda Cross победници во своите категории на престижните "4x4 of the Year 2019 awards"

Jeep® Wrangler и Fiat Panda Cross победници во своите категории на престижните "4x4 of the Year 2019 awards"

Заврши вториот кампус експиријанс Македонија во организација на Реал Мадрид Фондација

Заврши вториот кампус експиријанс Македонија во организација на Реал Мадрид Фондација