Дарко Лешоски повеќе не работи за Владата, „фати“ проект од Култура
Објавено во: Македонија 13 Февруари, 2018
Поетот Дарко Лешоски на крајот на годината на негово барање го прекинал работниот ангажман во Владата на Република Македонија во секторот за комуникација и односи со јавност.
Информацијата ја потврди Петрит Сарачини кој одговори на критиките за доделувањето на средства за уметниците од годишната национална програма за поддршка на Министерството за култура.
„На Дарко Лешоски му е истечен авторскиот договор во Владата заклучно со 31.12 2017 година, и истиот на негово барање не е продолжен“ објави Сарачини кој е дел од тимот за односи со јавност во Министерството за култура.
Лешоски во годишната програма од Министерството за култура стои дека има побарано финансиски средства во износ од 120 илјади денари за проектот „Дионис-нова македонска поезија“ и истата сума му е и одобрена.
Веб сајтот регистриран за проектот „Дионис-нова македонска поезија“ засега не е активен, туку само е закупен веб доменот.