21 Октомври, 2021
0.1259

ДЕБАКЛ НА УНИЈАТА ЦДУ/ЦСУ, ВОСКРЕСЕНИЕ НА СПД: Но, кој ќе биде канцелар, Шолц со мала предност пред Лашет

Објавено во: Свет 26 Септември, 2021

Се уште е мртва трка меѓу Армин Лашет, кандидатот за Канцелар од унијата ЦДУ/ЦСУ и Олаф Шолц, кандидатот за канцелар на германските социјалдемократи. Според досега преброените гласови, односно според прогнозата на АРД врз основа на излезната анкета, и СПД и ЦДУ/ЦСУ освоија по 25 проценти од гласовите. Анкетата на телевизијата ЗДФ, пак укажува дека СПД води со 26 проценти од гласовите, пред ЦДУ/ЦСУ со 24 проценти. Резултатите од двете излезни анкети покажуваат дека Зелените, предводени од Аналена Бербок, се на третото место, со околу 15 проценти од гласовите.

Сепак, според анализата на Der Spiegel, овие парламентарни избори во Германија се дебакл за Унијата, а воскресение на СПД, но се уште не се знае кој ќе биде канцелар и кој ќе го има мандатот да формира влада. Во првите проекции, социјалдемократите се само со мала предност и се ќе зависи од ФДП и Зелените, пишува Der Spiegel.

Дебаклот на Унијата се темели врз основа на тоа што денешниот резултатот за блокот ЦДУ/ЦСУ очигледно ќе биде нивниот најлош во повоената историја на Германија. Оваа досега водечка  коалиција во Германија, која изминатите 16 години беше предводена од Ангела Меркел, сега има уште полош процент од оној во 1949, кога освои 31 процент од гласовите.

Тесниот резултат на изборите покажува дека претстојат долги преговори за новата влада и дека е неизвесно кој ќе ја наследи канцеларката Ангела Меркел, која се пензионира по 16 години на чело на владата.

Кандидатот за канцелар на Демохристијаните, Армин ЛаШет вечерва рече дека има тесна борба, потенцирајќи дека Унијата сака да ја води новата Влада

На почетокот на своето обраќање во изборниот штаб, тој нагласи дека за првпат по 16 години Ангела Меркел не се кандидирала за канцелар, заради што Унионистите влегле во изборната трка без „бонус“.

- Знаевме дека ќе биде тешко и дека ќе имаме тесна борба. Се уште немаме конечни резултати. Но, веќе можеме да кажеме дека не можеме да бидеме задоволни од резултатот - изјави Лашет.

Тој рече дека во секој случај, исходот од гласањето ги става Германија, но и ЦДУ / ЦСУ, како и сите демократски партии, пред голем предизвик, бидејќи е неопходно да се постават насоки за наредните години.

- Само една партија не може да го стори тоа, треба да ги надминеме сите поделби и да соработуваме. За првпат ќе имаме трипартитна влада - нагласи тој.

Истовремено, пак, генералниот секретар на Социјалдемократската партија на Германија, Ларс Клингбејл, вечерва по затворањето на избирачките места рече дека оваа партија има мандат да формира коалиција.

- СПД има мандат да формира влада. Сакаме Олаф Шолц да биде канцелар - рече Клингбејл по објавувањето на првите излезни анкети.

СПД успеа да го подобри резултатот од претходните парламентарни избори за повеќе од пет проценти, додека унионистите загубија речиси девет проценти од гласачите.


Можеби ќе ве интересира

Новата мутација на делта сојот е детектирана и во САД

Новата мутација на делта сојот е детектирана и во САД

Европска земја која важеше за успешна корона приказна, сега се затвора

Европска земја која важеше за успешна корона приказна, сега се затвора

Француската полиција трага по убиецот кој на маж му ја отсекол главата и му ја извадил утробата

Француската полиција трага по убиецот кој на маж му ја отсекол главата и му ја извадил утробата

Русите добиваат платена неработна недела поради рекордот на починати од коронавирусот

Русите добиваат платена неработна недела поради рекордот на починати од коронавирусот

Во Австралија паѓаше град со големина на грејпфрут

Во Австралија паѓаше град со големина на грејпфрут

„AY 4.2“- ПОДВАРИЈАНТА НА ДЕЛТА СОЈОТ ДЕТЕКТИРАНА КАЈ 11-ГОДИШНО ДЕТЕ: Момчето патувало од Молдавија во Израел

„AY 4.2“- ПОДВАРИЈАНТА НА ДЕЛТА СОЈОТ ДЕТЕКТИРАНА КАЈ 11-ГОДИШНО ДЕТЕ: Момчето патувало од Молдавија во Израел

НАЈНОВА ИТАЛИЈАНСКА СТУДИЈА: Вакцинираните умираат од ковид главно поради старост или поради тешка болест

НАЈНОВА ИТАЛИЈАНСКА СТУДИЈА: Вакцинираните умираат од ковид главно поради старост или поради тешка болест

ВОЗАЧИ НЕДОСТИГААТ СЕГА И ВО САД - десетици бродови чекаат со недели да бидат истоварени

ВОЗАЧИ НЕДОСТИГААТ СЕГА И ВО САД - десетици бродови чекаат со недели да бидат истоварени

ТЕРОРИСТИЧКИ НАПАД ВО ДАМАСК: Во експлозија на автобус загинаа 14 луѓе

ТЕРОРИСТИЧКИ НАПАД ВО ДАМАСК: Во експлозија на автобус загинаа 14 луѓе