Деца нападнале месари во Франција оти продавале свинско
Објавено во: Свет 01 Октомври, 2020
Деца нападнале месар во Франција бидејќи продавал свинско месо.
Децата биле на возраст од дванаесет години и нападнале месар во францускиот град Лион, објави локалниот весник „Ле Прогрес“.
Нападите се случиле на 19 септември. Во првиот инцидент околу 16 часот децата само ги навредувале вработените.
По петнаесетина минути, неколку работници во продавницата излегле надвор и ги избркале децата.
Сепак три деца се вратиле во месарницата со канистери со солзавец и ги испразниле во продавницата во која имало купувачи.
Полицијата пристигнала на местото на настанот и ги избркала шесте деца, но тие повторно се вратиле по 18 часот со уште тројца млади луѓе.
Еден од вработените рекол дека едно дете од групата извадило лажен пиштол за да им се закани.
Полицијата подоцна уапсила еден член на групата за кој бргу било утврдено дека има само дванаесет години и е ослободен поради неговата возраст.
Пред само неколку недели полицијата во Монпелје уапси 13-годишно девојче мигрант за кражби на градската железничка станица. Откриено е дека девојчето било бремено осум и пол месеци.
Лани тројца малолетни мигранти од Алжир беа уапсени за брутално мачење и убиство на 28-годишник од Лион. Убиството беше пренесувано во живо на социјалните мрежи. Тројцата Алжирци се уапсени откако избегале во соседна Шпанија.
Претходно, во Стразбур момчиња нападнаа студентка затоа што носела здолниште. На напади се пожалиле и други жени.