ДЕЦАТА ВО СРБИЈА ЌЕ МОЖЕ ДА ПРИМААТ ВАКЦИНА ПРОТИВ КОВИД: Србија ја одобри Фајзер за младите од 12 до 15 години
Објавено во: Балкан 12 Јуни, 2021
Српската агенција
за лекови ја одобри употребата на вакцината против Ковид -19 на производителот Фајзер/БионТек
за деца на возраст од 12 до 15 години. Оттаму информираат дека се исполнети
највисоките професионални критериуми поврзани со безбедноста и ефикасноста, по
што е постигнат заклучок дека оваа вакцина може да се користи кај тинејџерите на
возраст од 12 до 15 години.
Потоа може да започнат активностите на надлежните институции, стручни комисии и тела надлежни за имунизација, како и педијатри, за да се исполнат неопходните услови и да се дефинираат дополнителни критериуми пред навистина да започне имунизацијата на деца од споменатата возраст.