Денес се слават идеалите на македонските револуционери
Објавено во: Македонија 23 Октомври, 2016
Македонскиот народ го одбележува 23 октомври, денот кога се формирала и поточно започнала идејата за фуннкционирање на Македонската револуционерна организација чија главна цел низ годините била автономна и слободна Македонија..
По тој повод низ републиката ќе бидат одржани повеќе свечености за одбележување на Денот на МРО. Делегација на Собранието на Република Македонија ќе положи цвеќе на Споменикот на основачите на ВМРО, лоциран во паркот „Жена борец“.
Одборот за доделување на државната награда „23 Октомври“ ќе ја додели државната награда „23 Октомври” во 2016 година за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историското наследство на Република Македонија.
По повод празникот ќе има и парадно дефиле на Градскиот дувачки оркестар низ улиците на Скопје со познатите „Чекорници“ во организација на Град Скопје и Младинскиот културен центар.