Денеска екстремно топло време во Македонија
Објавено во: Македонија 23 Јуни, 2017
Во земјава денеска времето ќе биде сончево и многу топло со мала до умерена облачност.
Температурата ќе се искачи и до 37 степени. Ова се натпросечни температури за овој период од годината. УВ индексот ќе има вредност 9.
Кон крајот на денот не е исклучена изолирана појава на краткотраен пороен дожд со ретки грмежи.
Во западните делови на Македонија ќе дува умерен ветер од западен, а во останатите слаб до умерен од северозападен правец.
Поради топлотниот бран Министерство за здравство препорачува избегнување директна сончева изложеност и престој на отворено од 11 до 17 часот, носење светла и лесна облека и консумирање лесна храна и течности.