Денеска ЕУ гласа за конечни заштитни квоти за челик, исходот го чека и Македонија

Добивај вести на Viber

Земјите-членки на ЕУ денеска ќе одлучат дали ќе воведат конечни заштитни квоти за увоз на челик на пазарот на Унијата.

Европската комисија потврди дека земјите-членки денеска ќе гласаат за воведување на конечни заштитни мерки за увоз на челик.

Гласањето ќе се одржи врз основа на резултатите на истрагата од страна на Европската комисија, која започна во март 2018 година и која доведе до воведување на "привремените мерки за заштита" во јули истата година со цел да се заштити индустријата на ЕУ, по воведувањето на едностраното оданочување на САД на увозот на челик и алуминиум.

"Наодите и намерите на Европската комисија ќе бидат предмет на гласање од страна на земјите-членки. По нивното конечно усвојување од страна на Комисијата, мерките треба да стапат на сила во почетокот на февруари 2019 година ", рече портпаролот на Европската комисија.

Главните извозници на челик во ЕУ се Кина, Индија, Русија, Јужна Кореја и Украина, но ќе бидат погодени и помали земји од регионот како Србија, БИХ и Македонија. Политичарите, менаџерите и економистите од овие земји веќе апелираа да не се воведуваат овие непопуларни мерки.

Во извештајот на Европската комисија, Светската трговска организација вели дека треба да се воведат заштитни мерки за увоз на челик во ЕУ до три години и со царинска ставка од 25 отсто во износ поголем од т.н.. традиционалното ниво на трговија со челик на пазарот на ЕУ.

Станува збор за мерки според принципот "ерга омнес", без оглед на потеклото и се однесуваат на 26 категории на производи од челик. Се тврди дека овие мерки може да се преиспитаат и да се променат во случај на променети околности.