Денеска немаше нови преговори за иднината на СЈО
Објавено во: Македонија 31 Март, 2019
Викендов партиите не успееја да обезбедат двотеринско мнозинство за законот за Јавното обвинителство. Најавената рунда преговори меѓу работните групи не се одржа.
Министерката Рената Дескоска не е оптимист дека во брзо време ќе изнајдат решение со Вмро-Дпмне за законот за СЈО. Таа во изјава за тв 21 рече дека амандманите на ВМРО ДПМНЕ се со цел да го уништат СЈО кое е дел од законот.
Со амандманите кои ги предложи ВМРО ДПМНЕ сепак се бара со рок да се ограничи постоењето на СЈО но и се останува на ставот дека државниот обвинител треба да е избран по предлог на најголемата опозициска партија. А пак, Вицепремиерот за европски прашања Бујар Османи смета дека се уште има простор за преговори меѓу партиите, но автономијата на СЈО и истрагите треба да продолжат.
Од ВМРО-ДПМНЕ за сега велат дека во моментов тече време за внатрепартиски договори.
Останува и неизвесно дали и ако се постигне договор за законот, спикерот Талат Џафери ќе одржи седница за негово гласање во време на предизборна кампања