ДЕСЕТ ДЕНА НЕ ДОШОЛ НА ЛЕКАР: Починал вработен во битолскиот затвор, 16 осуденици се позитивни
Објавено во: Македонија 27 Декември, 2021
Едно лице починало а уште 16 се заболени од Ковид-19 во битолскиот затвор „Црн мост“. Починатиот имал 47 години и бил вработен во институцијата. Според информациите тој десетина дена имал симптоми, но не се јавил на лекар. Кога бил хоспитализиран состојбата била влошена. Позитивните лица се осуденици.
Директорката на Битолската клиничка болница д-р Билјана Гагачовска за „Независен“ потврдила за смртта на пациентот, која настанала само ден по хоспитализирањето.
Инаку осудениците кои с епозитивни немале тешки симптоми освен едно лице кое било хоспитализирано.
По констатирањето на позитивни случаи во затворот се преземаат дополнителни превентивни мерки покрај веќе постојните кои се во согласност со препораките за заштита од Ковид-19. Во мензата веќе е набавен пластичен прибор за јадење, а се набавени и апаратчиња за мерење на сатурација, велат од затворот.