Десет милиони евра од државата како гаранции за кредити на фирмите

Добивај вести на Viber

Министерството за финансии веќе го разгледала прашањето и планира 10 милиони евра да ги обезбеди за гаранции на кредити за домашните компании. Гаранцијата ќе ја дава Банката за развој на Македонија, ова го најави министерот за финансии Фатмир Бесими кој денеска беше во Стопанската комора каде ги слушаше барањата на домашните и странските компании. Бесими вака одговори на констатацијата на Зоран Јовановски, главен сосветник на Управниот одбор на Стопанската комора за економски прашања кој рече дека потребна е мерка која би вклучувала државна гаранција за комерцијални кредити преку комерцијалните банки. За таква мерка веќе било дискутирано кога беше дефиниран третиот пакет економски мерки за помош од Ковид кризата. 

„Со реализацијата на ваквата мерка значително би се олеснила кредитната активност на банките, што е исклучителено важно во услови на постоење на висок степен на неизвесност и кредитен ризик. Исто така дискусиите за третиот пакет интервентни мерки вклучуваа и гарантна шема преку Развојната банка во смисла на гаранции за обезбедување на царинскиот долг, рече Јовановски.

Бесими рече дека министерството за финансии со 10 милиони евра ќе гарантира неколкукратно повисоки суми на кредити за малите и за средни претпријатија

„Гарантната шема ќе оди преку Развојната банка, додека средствата ќе се пласираат преку комерцијалните банки. Со оваа мерка ќе се подобри ликвидноста на компаниите, ќе се олесни можноста за реализација на тековните активности, но и ќе се поттикне инвестициската активност, што е суштинска за раздвижување и ревитализација на економијата, рече Бесими.

А.Т.