Дескоска на Здравев му подари златна метла
Објавено во: Македонија 14 Декември, 2019
Министерката за правда, Рената Дескоска денеска на еколошката акција носеше златна метла, и му ја предаде на првиот човек на судскиот совет, Киро Здравев бидејќи нејзе веќе и помогнала во изработка на законите.
„Кога му ја предадов, претседателот на Судскиот совет искоментира дека не е многу амортизирана. Ние со таа метла можевме да помогнеме да се направат законите и затоа таа е една фина канцелариска работа која што ја завршивме, сега останува вистинската амортизација на метлата да се случи во Судски совет, да се спроведат тие закони кои што ние ги подготвивме а Собранието ги донесе и да се врати довербата на правосудството во нашата државата“, вели Дескоска.
Но, Здравев веднаш му ја предаде на првиот човек на Кривичниот суд, Иван Џолев. Здравев неодамна изјави дека внимателно треба да се спроведува ветингот меѓу судиите.