Десничар се противеше на вакцинација, па „фати“ сипаници: Сега го смени мислењето

Добивај вести на Viber

Членот на италијанската крајна десничарска партија Северна Лига и еден од најгласните противници на вакцинацијата Масимилијано Федриго завршил во болницата и тоа токму поради сипаници.

Тој објавил дека четири дена бил во болница бидејќи минатата недела „заработил“ сипаници.

-Добро сум. Сега сум дома и се опоравувам, ви благодарам на сите-напиша тој на социјалните мрежи бидејќи е отпуштен од болница, пренесе британски Индепендент.

Федриго е еден од најгласните противници на италијанскиопт закон од 2017-та година за задолжителна вакцинација на децата пред тргнување во школо. Се потсетува дека Федриго истакнувал дека родителите не би требало да се „присилуваат“ да ги вакцинираат децата.

Тој признал дека неговите деца се вакцинирани, а исто така и негирал дека експлицитно е против вакцинација. Сепак, тврдел дека присилувањето на родителите да ги вакцинираат своите деца не е најдобар начин во борбата против епидемијата.

-Секогаш велев дека сум за вакцинација и дека за постигнување резултат е неопходна доверба на родителите, а не наметнување. Критичарите дури рекоа дека ќе добијам сипаници а не сфаќаат дека моите деца се вакцинирани, ккако што реков во многу интервјуа-рекол Федриго во едно неодамнешно интервју.

Овој случај го искоментира и познатиот италијански лекар Роберто Буриони, кој му поаскал брзо опоравување на Федериго, но го искористил неговиот случај да укаже на важноста од вакцинацијата:

-Единствен начин да ја избегнеме оваа трагедија е вакцинација за да спречиме циркулација на овој опасен вирус-напишал Бурионио на Фејсбук.