Деспотовски: Три нови инвестиции во Скопје, Штип и Кичево
Објавено во: Економија 14 Септември, 2021
Директорот на Дирекцијата за технолошко-индустриски развојни зони Јован Деспотовски најави три странски инвестиции во зоните во Скопје, Штип и Кичево. Засега имињата остануваат тајна.
„Владата ги има успешно затворено преговорите со инвеститорите. Обемот на инвестиците е 54 милиони евра. Планираниот број на работни места е 680. Проектираниот вкупен приход кој би го оствариле компаниите за десет години е околу 850 милиони евра“, рече Деспотовски на денешната прес-конференција за презентација на економските активности на ТИРЗ.
Тој додаде дека проекциите покажуваат врачање на 55 милиони евра во буџетот во наредните десет години од страна на овие инвеститори.