Девет години без Тоше
Објавено во: Македонија 16 Октомври, 2016
Еден од најпопуларните македонски музичари, Тоше Проески на денешен ден пред девет години трагично го загуби животот во сообраќајна несреќа кај Нова Градишка, на пат кон Загреб.
Фановите на Тоше и годинава на 5 октомври го организираа „Ѕвезденото небо“ со кое одбележаа и девет години од неговиот последен концерт.
Македонската опера и балет деновиве објави повик за аудиција за талентирани изведувачи кои ќе учествуваат во мјузиклот „Тајно моја“ во чест на Тоше Проески. Повикот е отворен до 15 ноември.
Животот на Тоше заврши во годината кога одбележуваше десет години успешна кариера и кога таа почна да станува меѓународна. Албумот на англиски јазик што го подготовуваше беше постхумно промовиран („The Hardest Thing“).
Проески објави седум албуми неколку и во превод на српски/хрватски јазик. Последниот „Игри без граници“ беше промовиран две недели пред несреќата, а последниот концерт го одржа на Градскиот стадион на 5 октомври 2007.