Девојка е повредена откако се запалил автомобилот кој го возела
Објавено во: Македонија 08 Ноември, 2019
Скопјанка е повредена откако избувнал пожар во автомобилот кој го управувала.
Девојката е на возраст од 22 години, и е итно пренесена во болница откако избувнал пожар во нејзиниот автомобил марка „форд фокус“.
Во вечерните часови на 7 ноември е пријавено во полиција дека на булеварот Трета македонска бригада избил пожар во „форд фокус“ во движење, кој го возела Е.А. од скопското село Горно Количани.
Девојката се здобила со повреди и е пренесена во комплексот клиники „Мајка Тереза“ за укажување лекарска помош.
Пожарот го изгаснала скопската противпожарна бригада.