Девојката на убиениот Пино денеска седнува на обвинителна клупа
Објавено во: Македонија 15 Ноември, 2019
По една година од свирепото убиство, денеска бо Основниот кривичен суд денес започнува судењето за смртта на Пинета Секондо – Пино.
Под контроверзни услови 26-годишникот беше убиен на 11 декември минатата година, но тоа јавноста не го знаеше затоа што полицијата не можеше да го пронајде се додека случаен минувач не ги откри неговите остатоци во атарот на скопското село Љуботен откако претходно имало одрон.
Неговата девојка Анѓела Ѓорѓиевска (22) како обвинета за соучество во убиството денес ќе седне на обвинителна клупа и ќе се соочи со обвинителката Лидија Раичевиќ.
МВР на 31 мај годинава поднесе кривична пријава против Ѓорѓиевска и Али Фуркан, исто така од Скопје, кој ја извршил егзекуцијата и за време на истрагата се даде во бегство, по што МВР по него распиша меѓународна потерница.
Инаку, мајката на Пино половина година активно бараше одговор за судбината со нејзиниот син.