Диме Велковски се враќа во Собранието - ќе биде пратеник и следните четири години
Објавено во: Македонија 22 Септември, 2020
Диме Велковски се враќа како пратеник во Собранието.
Тој е новиот пратеник од листата на пратеници на СДСМ и коалицијата „Можеме“, откако Дамјан Манчевски денеска си поднесе оставка од пратеничката функција.
За верификација на мандатот на Велковски гласаа 82 пратеници, ниту еден не беше против или воздржан.
Диме Велковски беше пратеник на владејачката СДСМ и во претходниот пратеникчки состав, од 2016 до 2020 година.
Тој беше на листата на пратеници на социјалдемократите во Првата изборна единица, но првично не влезе директно во Собранието, а сега со оставката на Манчевски, местото му е загарантирано во пратеничките клупи во следните четири годиони.
На јавноста и е познат и по тоа што беше кандидат за градоначалник на општина Аеродром.