Димитар Апасиев се самопријави на американската црна листа

Добивај вести на Viber

Лидерот на Левица, Димитар Апасиев, како што вели, на време се пријавува на американската црна листа, која ќе важи за сите поединци кои ќе рсаботат протов клучните договори во регионот, меѓу кои се и Преспанскиот и Охридскиот договор во земјава.

„Здраво Кале. Ај да се самопријавам со време, да не имате листа на чекање“, напиша денеска Апасиев на својот фејсбук профил.

Како што е познато, Апасиев е жесток противник на Преспанскиот дпоговор, со кој беше сменето уставното име на државава во Република Северна Македонија.

А како што веќе објави Фактор, претседателот на САД Џо Бајден издаде декрет за земјите од Западниот Балкан со кој ќе се стават на американската црна листа сите поединци кои работат против клучните договори во регионот.

Декретот им дава овластување на сојузните власти да блокираат имот и да им забранат влез на сите лица за кои Вашингтон ќе процени дека работат на штета на клучните договори во регионот, вклучувајќи ги и Преспанскиот и Охридскиот договор.

„Извршна наредба за блокада на имот и спречување влез во САД за одредени лица кои придонесуваат кон дестабилизација на состојбата на Западниот Балкан“, гласи потпишаниот документ од страна на Бајден.

Задолжен за извршување ќе биде Министерството за финансии на САД во консултација со Стејт Департментот. На црната листа ќе да се најде секој кој директно или индиректно ги нарушува мирот, безбедноста, стабилноста или територијалниот интегритет на земјите од Западниот Балкан, како и секој кој директно или индиректно се впушта во акции или политики кои ги нарушуваат демократските процеси и институции во регионот. 

Ова важи и за секој кој извршил или поддржал злоупотреби на човекови права или бил вмешан, директно или индиректно, во корупција или поткуп, вклучително и владини претставници на сите нивоа.

Фото: МИА