Димитров - Хоџа: Да им се даде по 10.000 евра на семејствата на осудените во „Диво Насеље“ не е во духот на градење европска иднина

Добивај вести на Viber

Mинистерот за надворешни работи,  Никола Димитров на денешната средба со министерката за европски прашања на Косово, Дурата Хоџа рече дека одлуката на косовската влада да им даде по 10.000 евра на семејствата на осудените во „Диво Насеље“ не е во духот на градење европска иднина за регионот засновано на владеење на правото, што е заеднички интерес на двете земји. 

На средбата фокусот беше ставен врз европската перспектива на двете држави и потребата од заеднички ангажман на патот кон ЕУ.

Соговорниците беа согласни дека регионот заслужува јасна и дофатлива европска перспектива и притоа изразија подготвеност за забрзување на реформските процеси и заемна поддршка во таа насока.

Косовската влада издвоила 219.000 евра за покривање на трошоците на семејствата на косовските државјани убиени и осудени во нередите во Диво Насеље во Куманово во 2015 година.

Косовскиот премиер Рамуш Харадинај на седница на владата изјави дека секое семејство ќе добие по 10.000 евра. Средствата се извлечени од програмата „непредвидени трошоци“.