Димитров: Бугарија ќе го прифати македонскиот јазик
Објавено во: Македонија 24 Јуни, 2017
Бугарија ќе го прифати македонскиот јазик, изјави шефот на дипломатијата, Никола Димитров, по дводневниот престој во соседна Бугарија оваа недела, пренесува телевизија 21.
Тој додава дека Договорот за добрососедство е составен врз основа на Декларацијата потпишана меѓу Скопје и Софија во 1999 година, во која се наведува македонскиот јазик.
Новиот договор, според него, ќе значи унапредување на документот. Димитров е оптимист дека ќе се најде и решение за проблемот со малцинствата во двете земји.
Премиерот, Зоран Заев најави дека со бугарскиот премиер, Бојко Борисов ќе го потпишат Договорот за добрососедство со Бугарија во август кога се очекува Борисов да дојде на одбележувањето на македонскиот национален празник „Илинден“.