Димитров и Коѕијас очи во очи со Нимиц - Се договара конкретен предлог за спорот за името
Објавено во: Македонија 13 Февруари, 2018
Се засилува ритамот на обновените преговори меѓу Македонија и Грција за спорот за името, овој пат на министерско нив без стандардните назначени преговарачи Наумовски и Василакис. Како што се очекуваше во Виена започна состанокот кој првите дипломати на Македонија и Грција Никола Димитров и Никос Коѕијас го имаат со медијаторот Метју Нимиц.
Преговорите прв пат по обновувањето се водат на ниво на министри за надворешни работи, откако тоа го договорија премиерите Зоран Заев и Алекцис Ципрас на нивната средба во Давос минатиот месец.
Димитров и Коѕијас вчера имаа средба во Виена на која ги усогласуваа позициите во пресрет на денешниот состанок со Нимиц. Нема информации дали на денешниот состанок ќе се разгледува нацрт-договорот, кој за средината на февруари го најави Коѕијас.
Грчките медиуми веќе лиферуваа дека напорите ќе бидат насочени кон прифаќање на предлогот за Горна Македонија без превод на англиски со латиница за севкупна употреба.