Димитров: Николовски лаже дека никој од власта не бил во Давос
Објавено во: Македонија 25 Јануари, 2020
Министерот за надворешни работи Никола Димитров го обвини потпретседателот на ВМРО-ДПМНЕ Александар Николовски дека лаже кога зборува дека во Давос немало никој од власта.
„Нема поголема гротеска и дрскост кога овие од злосторничкото здружение клеветат за меѓународна изолација. Читам и не ми се верува. Александар Николовски вели дека годинава немало никој од власта во Давос, на Светскиот економски форум. Напиша и излажа. На покана на претседателот на оваа организација Бренде, не само што учествував на Светскиот економски форум, туку како единствен МНР од нашиот регион бев и говорник на специјалната сесија за Балканот, заедно со премиерите на Хрватска, Бугарија, Словенија, претседателите на Србија и на Косово и МНР на Турција и на Шведска. Објавивме и официјално соопштение и фотографии. За некои области, како што е надворешната политика, здружението да беше мудро ќе си седеше мадро“, напиша Димитров на фејсбук.