Димитров по ратификацијата на договорот - Да не се поттикнува непријателство

Добивај вести на Viber

Министерот за надворешни работи Никола Димитров по ратификацијата на Договорот за добрососедство со Бугарија побара да не се поттикнува непријателство, туку да се задржат пријателски односи со соседите. 

Димитров истакна дека Договорот ги покрива нашите најважни национални интереси, а ги содржи и бугарските интереси. Овој ден има убава симболика, на денешен ден Бугарија ја призна Република Македонија, изјави Министерот за надворешни работи, Никола Димитров пред гласањето за ратификација на договорот со Бугарија.

„Факт е дека ниту ние, ниту Бугарија не сме целосно среќни, но исто така факт е дека двете држави растат. Праќаме сигнал дека може да се однесуваме европски“, вели Димитров.

Според Димитров, договорот предвидува сестрани односи, развој на соработка за мир и стабилност во регионот, проширување на транспортните врски, активна соработка во културата, образованието и заеднички чествувања на историски настани и личности.

Димитров повика да не се поттикнуваат непријателски дејствија и рече дека е важно кон соседите да се однесуваме пријателски.

Пратениците од ВМРО-ДПМНЕ не присуствуваа во Собранието при ратификување на договорот со Бугарија.

„Ќе беше убаво опозицијата да биде тука, во следниот период очекуваме кооперстивност од нивна страна“, рече Димитров.