23 Октомври, 2019
0.0215

Димковски: Со конкретни мерки, промоција и поддршка на извозот го развиваме органското производство

Објавено во: Економија 21 Септември, 2019

Министерот за земјоделство, шумарство и водостопанство, Трајан Димковски, денеска во Куманово присутвуваше на саемот за органска храна „Органска трпеза“, организиран од  Здружението за развој на земјоделство и заштита на животна средина „Живот“ од Куманово. Целта на оваа манифестација за претставување на органските производи и производители од Македонија е вмрежување и поврзување на традициите, но и согледување на предизвиците со кои што се соочуваат производителите од Македонија и регионот како и нивно надминување.

За прв пат оваа година на манифестацијата покрај учесници од Македонија, свои штандови имаа и претставници од Србија, Бугарија,Ерменија, Хрватска и Словенија.

Министерот Димковски посочи дека изминатите две години, се спроведуваат конкретни мерки за поддршка на производителите и бизнисите кои интензивно се вложуваат во развојот на органското производство во државата.

„Поддршката преку дирекните плаќања кај органските производители е од 50-100% поголема од поддршката кај конвенционалните земјоделски производители, се поддржува и процесот на сертификација со 50% од вредноста на сертификатите, го поддржуваме и откупот и извозот на органски производи. Во финална фаза е и подготовката на мерката за сертификација на региони, а до крајот на годината ќе се објави и мерката за поддршка на отворање на органски продавници. Го поддржуваме и извозот на органски производи преку финансирање на учество на нашите бизниси на најголемиот саем за органско производство во светот Биофах во Германија, а како дел од нашето национално богатство, нашите органски производи се застапени и на секој саем надвор од нашата држава“, изјави министерот Димковски.

При тоа министерот Димковски, потенцираше дека министерството за земјоделство, шумарство и водостопанство со финансиска поддршка преку Програмата за рурален развој ги поддржува земјоделските здруженија коишто имаат идеја за организација на вакви локални манифестации, саеми и промоција на домашното производство, преку кои ќе се промовираат домашните земјоделски производи.

На манифестацијата присуствуваше и заменик- шефот на мисијата во Амбасадата на Швајцарија во Република Северна Македонија,  Стефан Томажан, којшто посочи дека Владата на Швајцарија во следните години ќе ја продолжат поддршката во делот на развојот на органското производство во  Република Северна Македонија. 


На денешната манифестација, учествуваа околу 100 излагачи на производители на органска и традиционална храна и производи. Одржувањето на манифестацијата беше поддржано и од амбасадите на Швајцарија и на Србија во Република Северна Македонија, општина Куманово, Програмата за зголемување на пазарната вработливост „IME“, имплементирано од „Паладиум“, Постојаната Група за Регионален Руралан Развој на земјите на Југористочна Европа.


Можеби ќе ве интересира

ФИТР: Со измените во Среднорочната програма нови можности за македонските компании

ФИТР: Со измените во Среднорочната програма нови можности за македонските компании

Вработените во Државниот завод за ревизија под блокада, испратија писмо во јавноста

Вработените во Државниот завод за ревизија под блокада, испратија писмо во јавноста

Заев: „Гересхајмер“ дојде по потпишаниот протокол со НАТО

Заев: „Гересхајмер“ дојде по потпишаниот протокол со НАТО

Арсов: ФМС на едно место ги нуди сите услуги поврзани со недвижностите

Арсов: ФМС на едно место ги нуди сите услуги поврзани со недвижностите

Што велат текстилните компании за повисок минималец?

Што велат текстилните компании за повисок минималец?

СКОК НА ПРОСЕЧНАТА ПЛАТА: Maкедоцните во август заработувале повеќе од лани истиот период

СКОК НА ПРОСЕЧНАТА ПЛАТА: Maкедоцните во август заработувале повеќе од лани истиот период

Бектеши: Предвремените избори ќе се одразат врз економијата

Бектеши: Предвремените избори ќе се одразат врз економијата

Ова се цените по кои ќе се точат бензини и дизел неделава

Ова се цените по кои ќе се точат бензини и дизел неделава

ФИРМИТЕ ПРЕПЛАШЕНИ ОД ИЗБОРИТЕ - никој нема да работи цела година

ФИРМИТЕ ПРЕПЛАШЕНИ ОД ИЗБОРИТЕ - никој нема да работи цела година