Димовски: Владата требаше да го услови реализирањето на Преспанскиот договор
Објавено во: Македонија 06 Јуни, 2019
Пратеникот од ВМРО-ДПМНЕ, Илија Димовски, во синоќешното гостување во емисијата „Отворено стдуио“ на 1ТВ рече дека подобро ќе било доколку актуелната Влада успеала да договори реализирање на Пресдпанскиот договор во фази како што земјата ќе напредува кон членството во Европската унија.
Ова Димовски го спомена во контекст на неговите песимистички гледишта дека Македонија оваа година ќе добие Датум за преговори со ЕУ, иако актуелната власт сите карти ги фрлила токму на ова прашање.
- Оваа Влада не успеа да постави одредени сегменти од Преспанскиот договор кои требаше да се применуваат во моментот кога Македонија ќе ги започне преговорите со ЕУ и одредени сегменти да започнат да се применуваат кога Македонија ќе стане членка на Европската унија, изјави тој.
Додаде дека Киријакос Мицотакис, кој претендира да стане премиер во Грција по најавените вонредни парламентарни избори за еден месец, изјавил дека ќе ја почитува спогодбата од Преспа но дека може да ја блокира Македонија како што ќе се отвораат поглавјата во преговорите.