ДИПЛОМАТСКА ТЕНЗИЈА МЕЃУ БОРИСОВ И МАКРОН: Виновен ли е преводот и како Емануел ги „навреди“ соседите?
Објавено во: Балкан 04 Ноември, 2019
Како премиер на Бугарија, нема да дозволам никој да го навреди нашиот народ и се надевам дека овие ситуации нема да бидат повторени во иднина “, посочува Бојко Борисов.
Францускиот претседател Емануел Макрон стапил во контакт со премиерот на Бугарија Бојко Борисов. Двајцата разговарале за изјавата на Макрон за екстремно десничарскиот локален весник. Ова го објави бугарскиот премиер на својот Фејсбук профил.
„Францускиот претседател Емануел Макрон ме контактираше за да ме увери дека информациите што му ги откриле во едно интервју не се точни. Тој ме увери дека никогаш не ги критикувал бугарските граѓани, работниците или институциите. Претседателот Макрон ја потврди својата поддршка за Бугарија“, напиша Борисов.„Како премиер на земјата, нема да дозволам никој да го навреди нашиот народ и се надевам дека во иднина нема да се повторат овие ситуации“, вели тој.
Имено, поради наводно недоразбирање Бугарија испрати протестна нота до Франција.Се случи дипломатски скандал меѓу Бугарија и Франција. Софија го повика францускиот амбасадор да ги објасни зборовите на претседателот Емануел Макрон дека тој претпочита африкански мигранти над оние што се тргувани од Бугари и Украинци.
Острата реакција доаѓа од интервјуто со францускиот шеф на државата за екстремно десничарско списание. Вицепремиерот и министер за надворешни работи на соседна Бугарија, Екатерина Захариева му наредила на нивниот амбасадор во Париз Ангел Чолаков да достави протестна нота до француското Министерство за надворешни работи. Францускиот амбасадор во Бугарија, Флоренс Робин ќе даде објаснувања за изјавата на министерот за надворешни работи во понеделник, соопшти Министерството за надворешни работи.
Ова доаѓа по зборовите на францускиот претседател Емануел Макрон за „украинските и бугарските банди“.
„Преферирам легални мигранти од Гвинеја и Брегот на Слоновата Коска отколку нелегални украински или бугарски банди“, рече францускиот претседател во интервју за екстремно десничарскиот магазин „Валеус Актуели“.
Макрон во изјавата вели дека тој „претпочита да има легална, регистрирана, имиграција заснована на квоти за одреден број на години од прикриената, нерегистрирана работа. Повеќе сакам луѓе кои доаѓаат од Гвинеја или од Брегот на Слоновата Коска, кои се тука и работат отколку од Бугарите или Украинците со нивните нелегални канали “.
Неговото интервју предизвика остра реакција кај целиот новинарски еснаф во Франција. Авторитативниот неделник „Лобсерватер“ истакнува дека „ова е првпат францускиот претседател да даде интервју за екстремно десничарските медиуми“.
Списанието „Marianne" е луто од невидените објаснувања на администрацијата на Макрон за скандалозното интервју. „Со ова интервју, Макрон остро се сврте кон екстремната десница“, пишува весникот „Liberation".
Остри реакциии има и во весниците „Le Parisien" и „Le Figaro".
Виновен ли е преводот за тензијата меѓу Софија и Париз?Диполматската тензија е предизвикана од интервјуто на францускиот претседател кој наводно се изгубил во преводот.
Како што толкуваат бугарски експерти тој рекол дека претпочита легални мигранти од Африка, отколку нелегални, кои доаѓаат преку украински и бугарски канали. Првично, Макрон наводно рекол „бугарски банди“.
Преведувачите толкуваат дека во интервјуто нема збор „бугарски банди“.