Добивај вести на Viber
Директорот на ЈКП Сарај тврди дека се невистините информациите кои кружат во дел од медиумите за кражба на канделабри и друга урбана опрема од објектот на некогашниот спортски центар „Треска“.
„Таму се чисти езерото, ангажирана е фирма, не станува збор за никаква кражба. Ангажирани се работници од нашето претпријатие, како и од фирма, со цел што побрзо да завршиме со расчистување на теренот. Комбето од фотографиите кои се појавија на некои портали, кое наводно товари украдени канделабри, е всушност наше, на општинското комунално претпријатие. Ги уверувам граѓаните дека никој ништо нема да украде. Што се однесува до приколките, ако сопствениците не ги дислоцират до 23 февруари, до кога е рокот за дислокација, Општина Сарај ќе ги премести, но на трошок на сопствениците на приколките“, рече Сабахудин Рустеми директор на ЈКП Сарај, пренесе Слободен печат.