ДИСКРИМИНАЦИЈА ИЛИ НЕ: Град каде има тролејбуси само за жени
Објавено во: Балкан 19 Септември, 2017
Два розови тролејбуси, кои се наменети само за жени од синоќа се во употреба во градот Малатија во Турција.
Весникот „Хуриет дејли њуз“ пишува дека новите превозни средства предизвикале жестока полемика меѓу жителите на градот, како и во целата држава. Некои воведувањето на тролејбусите го оквалификуваа како „полов апартхејд“.
На првиот ден кога почнаа да се движат тролејбусите, мажите на постојките, кои не беа информирани за новитетот, беа зачудени затоа што не можеа да се возат во нив.
Некои жени беа задоволни од мерката, додека други ја оценија како дискриминирачка.
Двата тролејбуси, специјализирани само за жени, имаат по осум линии дневно. Возачите во овие превозни средства се жени.